سؤال من الأفضل uni او ausbildung او hochschule بالنسبة لمجال الأمن السيبراني

[syrdev]

شباب بدي اعرف شو الفرق بين ausbildung و uni و hochschule من حيث انو واحد فيون فيني اجمع خبرة أكتر وطبعا الراتب كمان ؟
ماعندي خبرة ولا باي شي بعرف المعلوماتية كإسم بس عندي ميول للأمن السيبراني.. انو واحد من ٣ خيارات الي فوق مناسبة لدراستو او حتى سؤال اذا في قسم يدرس بس أمن سيبراني ك ausbildung او ب uni او ب hochschule
كمان سؤال في كتير اشخاص ميعانو بعد التخرج من صعوبة ايجاد عمل فشلون فيني اتجنب هالصعوبة

 

[Qusay Alhasan]

شباب بدي اعرف شو الفرق بين ausbildung و uni و hochschule من حيث انو واحد فيون فيني اجمع خبرة أكتر وطبعا الراتب كمان ؟
ماعندي خبرة ولا باي شي بعرف المعلوماتية كإسم بس عندي ميول للأمن السيبراني.. انو واحد من ٣ خيارات الي فوق مناسبة لدراستو او حتى سؤال اذا في قسم يدرس بس أمن سيبراني ك ausbildung او ب uni او ب hochschule
كمان سؤال في كتير اشخاص ميعانو بعد التخرج من صعوبة ايجاد عمل فشلون فيني اتجنب هالصعوبة

اخي بالنسبة لل Ausbildung هو عبارة عن تدريب مهني بتدرس وبتشتغل بنفس الوقت، بتكسب خبرة عملية اثناء فترة التدريب والدراسة وبيجيك راتب شهري وهو مناسب إذا بتحب التطبيق العملي اكثر من النظري وبحال كان تدريبك بشركة بتشتغل بالامن السيبراني بعتقد بس تتخرج رح يكون نطاق خبرتك ضمن مجالات الأمن السيبراني.

أما بالنسبة للدراسة الجامعية Uni او بمسمى أخر الدراسة الأكاديمية النظرية، ما في راتب او ممكن تقدم ع Bafög ع حسب وضعك، وميزته انو بيعتمد ع تعليم العميق وفيه كتير تفاصيل ومعلومات نظرية اكثر من التطبيق العملي. وبعتقد هو مناسب إذا بتحب الدراسة النظرية وطبعا في تخصصات جامعية لمجال الأمن السيراني فيك تقدم عليها اذا كانت مستوفي المتطلبات.

وعندك كمان ال Hochschule وهي مزيج بين الدراسة النظرية والعملية، وبتعمل مشاريع عملية إلزامية وهي خيار ممتاز إذا بدك شي وسط بين الاتنين وحابب تتوسع بدراسة الامن السيبراني Cyber Security وهاد النوع من الدراسة انا بنصح فيه كتير خصوصي لمجالات ال IT.

بس بغض النظر عن التخصص يلي عم تدرسه ان كان اكاديمي أو تدريب مهني أو غيره لازم تركز كتير ع التعلم الذاتي بجانب دراستك حتى تكون جاهز لسوق العمل بعد التخرج. اسأل وشوف شو هي الخيارت المطلوبة بالمجال يلي حابه وبلش اتعلمها بجانب دراستك الأكاديمية.

بتمنى جوابي يكون واضح ويكون وصلك الفكرة عن الفروقات بينهم.