السلام عليكم وشكرا على هذا المجتمع الجميل. عندي سؤال، كيف فيني فوت لمجال DevOps وشو لشهادات ولكورسات المطلوبة مني وانا عندي معرفة أساسية بالشبكات ونظم التشغيل مثل لينكس وويندوز سيرفر وبعرف اكتب سكربتات bash بس موضوع CI/CD مو كتير واضح بالنسبة الي عندي رغبة بالتعمق بالتخصص واحترافه
3 إعجابات
مهتم!
إعجاب واحد (1)
باتباع خارطة الطريق اولا هذا الاختصاص بحاجة لمعرفة عميقة باساسيات الكلاود ومنصات العمل اونلاين
معرفة بال git
معرفة بل linux
دوكر
كوبرنيتيس
انسابل
تيرافورم
كيتلاب
غيتهب
ببتبوكت
بايثون سكربت
شيل سكربت
معرفة بتطوير البرمجية ودورة حياة البرمجية
تطوير مستمر وتطوير متكامل
معرفة بمراقبة السيرفرات مثل غرافانا
4 إعجابات
حابب ضيف كم معلومة استكمالا للشي يلي ذكره الأخ محمد.
مبدئيا لازم تتاكد انك على دراية كافية بكيفية عمل الشبكات وبلأخص مواضيع ال Routing وال Switching وبيجي عندك بعد هيك اسس ومفاهيم انظمة التشغيل وبلأخص Linux, يعني مثلا كيف بيتم ال Routing وبانو Layer وكيف بيتم توجيه الترافيك داخليا وشو المهمة الموكلة ل iptables أو حديثا nftables.
وحاليا بما انو ماعندك اطلاع كافي وعميق بنصحك تدرس المهارات التالية وحاول طبق على Hands-on Lab أو Playground.
Ansible
Jenkins
GitLab CI/CD
Kubernetes
وأهم شي أخي تذكر انو خبرتك بالتعامل مع ال Bash بتكفيك ك مبتدئ بس رح توصل لمستوى معين وتلاقي حالك متأخر كتير عن غيرك لهيك بنصحك تركز ع دراسة لغة برمجة Python لانه رح تفتحلك فرص كتيرة ورح تلاقي حالك نتقلت لمستوى تاني خصوصا بمواضيع ال CI/CD وال Web hooks.
وتذكر انو ماحدا خلق معلم. بلش خطوة خطوة وحط أهداف صغيرة وقابلة للقياس وبعد فترة رح تلاحظ تطور نوعي بمهاراتك.
أي سؤال او استفسار تاني أنا والشباب موجودين هون لنساعدك.
3 إعجابات
وعليكم السلام ورحمة الله وبركاته،
استكمالاً لأجوبة الشباب حبيت شارك هالرابط
هو لرودماب ظريفة مفتوحة المصدر وبينشغل عليها من الكميونيتي بتتضمن كل ما انذكر وأمور تانية زيادة وبشكل وترتيب ظريف، وكل موضوع بس تكبس عليه بتلاقي في شرح بسيط ومختصر عنه بالإضافة لشوية روابط لمصادر لعلها تكون مفيدة كبداية
وأخيراً تحت العنوان والعنوان الثانوي بتلاقي في تبويبة تانية اسمها projects فيها اقتراحات حلوة لمشاريع تدريبية ولمراحل خبرة مختلفة عسى تكون مفيدة لك كمان
وبالتوفيق إن شاء الله.
إعجابَين (2)
ممتاز عراسي شباب ما قصرتوا
3 إعجابات