ك مبرمج عايش بسوريا شو ناقصك؟

المجتمع - Community
1

يعطيكن العافية، سؤالي موجه لل Developers الموجودين بسوريا، اخواتي انتوا شو ناقصكن وكيف فينا ندعمكن من برات البلد، شو المشاكل يلي عم تواجهوها حاليا؟

14 إعجابًا
3

سؤالك بيحمل محبة ومسؤولية، وبيفرجي قدّيش في ناس برات سوريا بعدها قلبها هون وعم تفكر بأهلا وبالناس اللي عم تشتغل رغم كل الصعوبات :heart_on_fire:

إذا بدنا نحكي من وجهة نظر مطورين بسوريا، فينا نلخص المشاكل والنواقص بأكتر من محور:

:brick: ١. الوصول للموارد والتقنيات

  • حظر بعض الخدمات: كتير منصات وأدوات (متل GitHub Copilot، بعض خدمات Google Cloud وAWS، وغيرها) محظورة أو بتشتغل بشكل جزئي.
  • VPNs ما دائما موثوقة، وسرعة الإنترنت أحياناً بتصعّب استخدام هالخدمات.
  • الدفع الإلكتروني: صعوبة الاشتراك بخدمات مدفوعة أو شراء كورسات بسبب غياب وسائل الدفع (لا PayPal ولا بطاقات بنكية فعالة).

:books: ٢. التعليم والتطوير الذاتي

  • المحتوى العربي التقني أحياناً محدود.
  • الكورسات المدفوعة عمنصات مثل Udemy أو Coursera مو متاحة بسهولة.
  • في فجوة بين شو بيتعلّم الشخص بالجامعة، وشو بيطلبه السوق فعلياً (خصوصاً برّا سوريا).

:briefcase: ٣. فرص العمل

  • قلة الشركات البرمجية ذات المستوى العالي يلي بتقدم مشاريع ضخمة أو بيئة محفزة.
  • رواتب منخفضة كتير مقارنة بالمهارات المطلوبة.
  • الاعتماد على الـ Freelance أو العقود عن بعد، بس هالشي كمان بدو VPN وبطاقة بنكية لتحصيل الأرباح :sweat_smile:

:gear: ٤. مشاكل تقنية وبنية تحتية

  • ضعف الإنترنت، كهرباء بتقطع، وبيئة غير مستقرة للعمل اليومي.
  • غياب الفعاليات التقنية المحلية (Meetups، Hackathons، مؤتمرات…).

:handshake: ٥. شو ممكن نساعد في من برّا البلد؟

  • منح كورسات أونلاين: إذا بتقدروا تشتروا access لكورسات أو منصات تعليمية وتقدموها لشباب وشابات هون.
  • مشاركة مشاريع حقيقية للتدريب: حتى الشباب يشتغلوا على real-world experience ويبنوا portfolio.
  • Mentorship: جلسات إرشاد، mock interviews، code review.
  • فتح فرص عن بعد: دعم حقيقي لو قدرتم توصلوا أشخاص بفرص freelance أو remote jobs.
23 إعجابًا
4

ممكن نعمل قائمة بالكورسات الأساسية نفتح اشتراك متواصل عليها؟ هل هاد حل منطقي؟

المشاريع و الmentorship بتصور ممكن ندمجهم بمجال واحد … كمان ممكن يكون موضوع مفتوح و يصير تواصل مع خبرات تقدم محاضرات..

3 إعجابات
7

شركات تقدر المبرمجين ماتتعامل معهن ك خدم وتعطيهن رواتب منطقية لهيك مهنة

دفع الكتروني سلس

غيت هاب

تندعم الارقام السورية بكل المواقع والمنصات المشهورة

8 إعجابات
8

@Mohamad_Ghazi_Mohamad
كلامك جميل و النقاط المذكورة كلها مهمة فعلا نحنا ما نشعر فيها لأننا برة البلد و كل شيء متوفر
للأسف نحنا حسينا الصواب من أول ما غادرنا سوريا لما إكتشفنا قديش كنا مغبونين

بإختصار
نصيحتي لا تنتظر كتير من الكورسات المدفوعة إذا كان اليوتيوب متوفر عندك
لأن أساسا كتير من الكورسات المدفوعة على يوديمي صاحبها بيرجع بينزلها مجانا على يوتيوب

و أقترح تتعلم من مشاريع و لما تواجهك صعوبة اسأل هون بالمجتمع و يرد عليك أحد الخبراء
نحنا لقبل سنة فقط مصدرنا الأساسي هو
Stackoverflow
قبل وكلاء الذكاء الإصطناعي

أسأل الله لكم و لنا التوفيق و السداد

4 إعجابات
9

بتشكرك كتير على نصيحتك
بالنسبة الي شخصياً الحمدلله رب العالمين وضعي من الناحية العلمية في منتهى التطور يمكن انا من القلائل بسورية منشتغل web 3
وحتى من الناحية المهنية كتير مرتاح مع الشركة العم اشتغل معها
ومن احد الاشخاص الدائماً بعمل ندوات حوارية سواء كانت أونلاين او اوفلاين بأحد المراكز ودائما بركز على ان تكون مجانية
ودائما بنصح المتدربين و المجتمع بالتركيز على التجريب وقراءة المستندات قبل ان يحضره كورس على سبيل المثال
بوابات الدفع الالكتروني
بس المشكلة العم نعاني منها وجود خبرة لكن رعونة عالية في الامان بسبب ما عنا خبرة عالية في الامان و لو كانت بتكون مقوقعة او مهمشة او حتى يتطلب أجور عالية
هي مشكلة كتير كبيرة والمشكلة الاكبر بسوريا في مجتمع خدمي كتير كبير و بتلاقي الشغل عم يطلع من سوريا لبرا دائما هدا السبب لان المجتمع ما عندو انفتاح على الناحية التقنية
رح أعطيك حدث صار معي من فترة
في منتجع سياحي كتير مشهور بمنطقتي فقترحت عليه بناء website بالإضافة لنظام hr و erd طبعا اقترحتها عليه بطريقة كتير مبسطة و مفهومة مع امثلة عملية
كان بدل على جهل غير منطقي
الجواب كان بهالبساطة النظام اليدوي اسرع و اسهل
فبنصح انو يكون في محتوى موجه للناس العامة كمان هدا الشي بحسن كتير من سوق العمل طبعا

3 إعجابات
10

السلام عليكم اخي
مع الاسف المثال اللي عطيتو دقيق و في منو كتير. وبعتقد من الاسباب انو مافي نظرة للمستقبل، وكيف ممكن تصعب الامور اذا صاحب البسنس قرر يفتح فرع ثاني، او يضخم المشروع. انا بنظري هداك الوقت ممكن يشوف الفائدة.
بس كلشي بوقتو حلو :grinning_face_with_smiling_eyes:

إعجابَين (2)
11

برأيي، من المجالات اللي كتير بتفيدنا و ما في كتير اهتمام فيها هو العمل التطوعي المشترك في المشاريع مفتوحة المصدر :handshake::laptop:. في كتير مشاريع مفتوحة المصدر نحنا مستفاد منها … سواء كانت مشاريع برمجية،مشاريع hardware ، أو أي مشاريع مصممة لحتى تكون بمتناول الجميع و الكل يستفاد منها …

نحنا بحاجة خبرات من برا تساعدنا نحقق هالشي اللي كلنا رح نستفاد منه إن شاء الله.

نحنا حالياً بنقدر نساهم بالمجال بأنو نعمل برمجيات مفتوحة المصدر على github أو أي منصة مشابهة و كل مهتم بالتقنية و عنده شغف بتحسين وضعنا الحالي يقدر يحط بصمته.

إعجاب واحد (1)
12

أو ممكن يكون في مجتمعات أو دورات توجيهيه ليتعلم الواحد كيف يقدر يساهم بالبرمجيات الحرة المشهورة … مثل نواة لينكس , نظام أندرويد , متصفحات مثل كروميوم و فايرفكس .

إعجاب واحد (1)
13

مناخد كورسات نظرية كتير و وقت ندور على شركة نتدرب فيها بشكل عملي بكون الشرط الاساسي خبرة اقل شي 5 سنين

إعجابَين (2)
14

فرص عمل تدريبية وشهادات تدريب او شغل جزئي للخريجين الجدد او على أبواب التخرج

المشكلة هي عم تأدي لأن الخريجين بحياتهم ما اشتغلوا شي الا لبعد ما يتخرجوا

بسبب احتياجهم لعمل مؤقت خلال الجامعة .. ولا يوجد فرص عمل او تدريب برمجية ليعمل بها بدل عمله بشيء مختلف

3 إعجابات
15

ناقصنا عمل بعد التخرج

أو عالقليلة فرص تدريب

إعجابَين (2)
16

ناقصنا شركات تحترم حالها وتعطي المبرمج حقه بدون ما تفكره عبد عندها

يا للعار لما تعمل مقابلة وانت خبرة 6 سنين على راتب 200 دولار

ممكن صاحب بسطة دخان يطلع ضعفه

3 إعجابات
17

ناقصنا شركات تدربنا وتحطنا بجو سوق العمل

كل مابدنا نقدم ع وظيفة بيكتبو خبرة تلت اربع سنين طيب انا من وين بدي جيب هي الخبرة اذا الكورسات العربية كتير فقيرة بالمحتوى العملي، كنظري بكون عندي المعرفة النظرية الكافية لكن المعرفة العلمية وجو سوق العمل مابكون فيه ولا بيعرف لواحد كيف يصير خبير اذا مافي حدا حوليه دارس هاد المجال ،ورفقاتو كل حدا بيشتغل لوحدو مافي روح الفريق بالاضافة الى انو الشركات بدا خبيرين وبدن نكون عاملين مشاريع ع ارض الواقع لننقبل

إعجابَين (2)
18

الحقيقة ناقصنا فرص تدريب لاكتساب الخبرة.

الشركات لا توظف من لا يمتلك الخبرة، وفرص التدريب شبه معدومة، حتى أن كثيراً من المبرمجين ترك مجال البرمجة بالكليّة لعجزه عن اكتساب الخبرة الضرورية للعمل.

إعجاب واحد (1)
19

هلأ ك مبرمج عايش بالريف

بحاجة لكهربا لأقدر اشتغل براحتي واتمكّن من التعلم

بتجي الكهربا ساعة يادوب شغل الكمبيوتر اشبك الواي فاي ببلش بكم سطر فجأة بتطفي الكهربا وبضيع التعب

وبالنسبة للأحوال المادية لاخرج ركب طاقة شمسية ولا خرج اشتري لابتوب

الله يفرج احسن شي

إعجاب واحد (1)
20

ناقصنا توفير فرص عمل ولو بأسعار قليلة…لأن يلي عايش داخل سوريا ال100 دولار عندو ياها شغلة كبيرة

وهاد الواقع يعني

إعجاب واحد (1)
21

الدعم المالي