السلام عليكم ورحمة الله وبركاته،
في زمن فقد فيه الكتير من الناس الإيمان بقوة التجمّع والعمل المشترك، إجت فكرة “مجتمع المطور السوري – SyrianDEV” كمحاولة بسيطة نرجع نخلق فيها حس الانتماء، والتعاون، والدعم بين ولاد البلد يلي بيجمعهم شغف واحد: العلم والمعرفة التقنية.
المجتمع مو بس موقع أو منتدى…
هو روح، وهو ناس بتحب تساعد، وبتحب تتعلم، وبتحب تبني شي حقيقي سوا.
وإذا في شي بيعطينا الدافع نكمل، فهو وجودكن، وأفكاركن، وملاحظاتكن.
لهيك حابب شارككن هالسؤال:
- كيف شايفين المنصة؟
- وشو فيكن تقترحوا لنجعلها أفضل؟
- عندكن اي أفكار توسعية وكيف فيكن تساهموا؟
أي فكرة، أي نقد، أي ملاحظة، ولو كانت صغيرة… ممكن تخلينا ننتقل بخطوة كبيرة لقدّام.
هاد مشروعنا كلنا، ونجاحه مرهون بتفاعلكن.
خلونا نكون جزء من التغيير… ونبني سوا منصة بتشبه أحلامنا وطموحاتنا.
بانتظار أراؤكن بمحبة،
قصي الحسن
هذا المطور كيف ممكن الاستفادة منه وفي اي مجال ؟
– Sondos