السلام عليكم و مرحباً للجميع. أول ما شفت هالموقع تفائلت كتير و قررت أنضم فوراً و أكون من المساهمين بمساعدة هيك مبادرة قوية على أمل تنشيط و تحسين المشروع و التك بسوريا عن طريق المساعدة و المشاركة.
أنا أخوكم أبن حلب. درست معلوماتية و أمن سيبراني(Computer Science and Cybersecurity) بأمريكا. و إن شاء الله بحسن أقدم مساعدة او أفكار تخدمكم و تخدم اخواننا و اخواتنا بسوريا.
خبرونا عنكم و كيف وضع ال Cybersecurity بسوريا بالنسبة للوعي العام حول هيك مواضيع؟
7 إعجابات
نشالله بداية مجتمع المطور السوري رح تكبر شوي شوي 
انا طالب سنة ٣ بجامعة دمشق مهتم بالامن السيبراني
في تقصير بهذا المجال جدا..
التقصير على صعيد التدرس الجامعي او حتى بالندوات نادرا ماينحكى عنه طبعا المشاركة مالازم تكون سلبية
لكن نأمل ان ينطرح لمجال اكتر بالجامعات السورية
4 إعجابات
إن شاء الله منحسن نقدم شي مفيد عن طريق الندوات لانو هو موضوع جداً مهم، بس مع الاسف كتير الناس عندا فكرة خطأ عن الموضوع لأنو كل المعلومات بتجي عن طريق الافلام
إعجابَين (2)
وعليكم السلام ورحمة الله وبركاته
الله يعطيك العافية ويجزيك الخير يارب
صراحة -من وجهة نظري- وضع السايبر سكيوريتي وثقافته عموماً غير موجودة والاهتمام به شبه معدوم سواء عند المتخصصين أو غير المتخصصين، إلا عند قلة قليلة ونادرة
انا غير متخصص بالأمن لكن عندي شوية إلمام ومعارف تراكمية متواضعة عن المجال وحاولت انشر عنه بقناة تلغرام عندي بهدف عالأقل إثارة نقاش وجذب الإهتمام بالموضوع لكن تقريباً تحقيق الهدف حسيت محدود جداً بعد عدد لا بأس به من المنشورات، هو أكيد القسم الأكبر من فشل التجربة بيقع عليي ممكن بسبب أنه مو تخصصي الفعلي وقلة الخبرة وقلة التجربة أو صعوبة الأسلوب أو قلة تنظيم الأفكار أو عدم إيجاد مكان أنسب للنشر فيه أو جمهور أنسب للنشر له أو إلخ إلخ.. لكنه كان سقف ما يمكن عمله من موقعي للأسف
بآخر التجربة قررت ركز على موضوع الهندسة الإجتماعية وحاول انشر الوعي فيه وكان هدفي أني بطريقة ما وصل للعامة وانشر الوعي بهالشي على مستوى اكبر من أهل الإختصاص نفسه باعتبار المستخدم هو بالنهاية الوحيد يلي بيقدر يحمي نفسه ضد الهندسة الإجتماعية والإحتيال وإلخ وصاحب التخصص مارح يفيده ولا رح يلحقه أصلاً لو قد ما كان عندو وعي ومعرفة وخبرة، والثقافة عندنا بالبلد كتير ضعيفة بهالخصوص والواحد بيتأمل خير بعد التحرير البلد تنفتح شوي شوي عقصص الدفع الإلكتروني والشغلات يلي التعرض للإحتيال فيها بيكلف الضحية مادياً وممكن بشكل مؤذي كتير، فكان القصد أنو يكون الموضوع متل خطوة استباقية دفاعية ضد هالشي.
لكني بعد بوستين أو 3 فكرت أني ممكن صيغ الموضوع بشكل يكون بمكان واحد متل كُتَيّب صغير يكون بلهجة بسيطة وسهلة ومفهومة من الجميع ويكون فيه أمثلة من الواقع وخطوات عملية قابلة للتطبيق وما شابه، ويتم نشره على نطاق أوسع من قناة التلغرام الصغيرة والمحصورة بالمتخصصين فقط.. طبعاً متل العادة الواحد بيخطط وبيفكر لكن التنفيذ بيكون أبطأ من السلحغاة إذا كان موجود من الأساس😅
حبيت اعرض التجربة على حضرتك باعتبارك متخصص ودارس الموضوع بشكل أكاديمي إذا عندك أي ملاحظات أو نصائح أو رأي بما سبق أو تقييم إذا الموضوع له ضرورة بهيك شكل أو كنت ماشي بالإتجاه الغلط.. أي إفادة من حضرتك مشكوراً
5 إعجابات
الله يجزيك الخير! أنا برأيي انك انت بلشت من أهم نقطة و أضعف نقطة. نشر الوعي حول الهندسة الاجتماعية كتير مهم و خصوصاً بهالوقت، لانو البلد عبتتعرض لتوسع كبير من ناحية التكنولوجيا. كتير كان في اشخاص خلال الثورة تم اختراقن عن طريق الهندسة الاجتماعية من قبل النظام السابق او غير جهات، و حتى مراقبة مستمرة لكل شيء متعلق بالنت بسوريا. ومع الاسف ما عرفنا هاد الشي لحتى طلعنا.
الفكرة حلوة، بس انا برايي انو الناس ما عم تقرأ متل قبل. فكتيب ممكن ما يجيب نتيجة متل شي عملي. يعني ممكن يكون فيديو توضيحي عن حدا عبيحاول يستعمل الهندسة الاجتماعية على حدا ثاني او شركة مشان يجيب معلومات شخصية (تمثيل طبعاً). او آيميلات توعية بحيث يكون الإيميل مصمم بطريقة تخلي الشخص يضغط رابط، و إذا ضغط بيتحول عصفحة تعليمية فيها الكتيب اللي انت حكيت عنو، أو اي نوع آخر من التوعية.
لكن من ناحية الفكرة، ممتازة 
4 إعجابات
وعليكم السلام أخي ليث، وأهلاً وسهلاً فيك بيننا.
وجود أشخاص مثلك مؤمنين بنشر المعرفة ومحبي الخير هو اللي بيعطينا الأمل بأن هذا المجتمع رح يحقق هدفه.
إن شاء الله، ومع دعمكن، منشتغل حاليًا على تطوير المنصة بإضافة أقسام جديدة، تحسين الأداء، والأهم: تمكين المجتمع بشريًا وبناء شبكة تواصل قوية بين أفراده.
شكراً من القلب، وسعيدين جداً بتواجدك معنا.
تحياتي لك.
4 إعجابات