يعطيكن العافية ..
دوما لازم اتشكر اصحاب هذا العمل
يلي هو بالنسبة الي اكتر شي مفرح ك طالب بسورية ولساته ببداية طريق التعلم و عن كوني طالب سنة 3 بكلية الهندسة المعلوماتية ف دوما كنا نلجأ بكل مجال بدنا يا ل community اجنبي او مصري بحكم انهن كاسحين الدنيا..
ياريت اصحاب الخبرة ان كان software engineer
او Ai engineer ومختلف الاختصاصات بمختلف مجالات العمل ضمن كل اختصاص..
لانو في كتير اختصاصات نجهل ماهي او السؤال يلي بيراودني ك طالب انو انا اذا فتت هيك مجال شو رح ادرس فيه؟ شو رح اشتغل ؟
ياريت ينذكر ضمن النصيحة :
-ليش خترت اختصاصك؟
-كيف قللت من تشتتك ضمن التنوع الكبير بكل اختصاص
-كيف ممكن تعرف انت عنجد شو المجال يلي شغوف تجاهه
بعيدا عن اسامي الاختصاصات الجذابة بحكم الرؤية ك طالب بتكون ضبابية لمعظم الاختصاصات
مشكورين كتير ونشالله رح يكبر هاد المجتمع ..
شغوف جدا بالتعلم 
..
نشالله مع لايام اقدر ساهم بأي شي تجاه هاد المشروع.
عذرا على الاطالة.
يعطيك ألف عافية على كلامك الداعم والمحفّز، وشكرًا من القلب على طاقتك الإيجابية! وجود طلاب شغوفين ومهتمين متلك هو بالضبط السبب اللي خلانا نأسس هاد المجتمع.
أسئلتك في محلها تمامًا، وبتعبّر عن وعي حقيقي بطبيعة طريق التعلم والتخصص. نحنا كلنا مرينا بمرحلة كانت فيها الرؤية ضبابية، والأسماء الكبيرة للمجالات تشتتنا بدل ما توضح الطريق، خصوصًا لما نكون لسه بالبداية.
وبناءً على احتياج مثل هاد، حبينا نخبرك إنو أضفنا فئة جديدة مخصصة لإلك ولزملائك الطلاب، باسم:
طلاب تكنولوجيا المعلومات - IT Students
فيها فيك تطرح أي سؤال، تشارك تجربتك الجامعية، تسأل عن مشروع، أو حتى تطلب رأي حدا أقدم منك بالمجال.
ورح نحرص ضمن الفئات التانية كمان إنو نطلب من أصحاب الخبرة يجاوبوا على:
ليش اختاروا مجالهم؟
كيف قللوا التشتت؟
كيف اكتشفوا شغفهم الحقيقي؟
وشو المسارات العملية المتاحة ضمن كل اختصاص؟
مجتمعنا رح يكبر بوجود أشخاص مثلك، وعطاؤك حتى لو بسيط هلأ، رح يكون إلو أثر كبير قدّام.
ونحنا بانتظار يوم تصير من الأشخاص اللي عم يوجهوا الطلاب الجدد متلك.
نورتنا وأهلًا وسهلًا فيك دائمًا!
شكرا كتير الك ولكلامك و لوقتك
رح ابقى متابع فئة :
طلاب تكنولوجيا المعلومات - IT Student..