يعطيكن العافية جميعا، حبيت شارك بشي بسيط بس قد يكون مفيد الكن او يفتح افاق لشي تاني،
عملت 3 مشاريع بسيطة جدا يعني ما اخدو معي ساعة شغل فعليا،
المشروع عبارة عن مواقع صغيرة معتمدة عالchatgpt api باستخدام streamlit python ليعملو مهمة معينة ،
اول مشروع بتنسخلو الCV او بتنسخ خبراتك وهو بيكتبلك cover letter بناءا عليها.
تاني مشروع تفسير احلام كمان فكرة بسيطة بس حلوة.
تالت مشروع عبارة عن شرح مبسط لاي معلومة يعني انت مثلا بتسألو شو يعني فيزياء الكوانتوم وهو بيشرحلك شرح مبسط موجه لشخص عادي وليس شخص عندو قاعدة فيزيائية او معلومات مسبقة.
المشاريع بسيطة جدا بس ممكن تكون مصدر الهام لشي كبير كتير.
طبعا المشاريع كلها مفتوحة المصدر فيكن تطلعو عالكود وفيني ساعدكن باي شي بهالمجال او اذا حدا عندو افكار فينا نطبقا سوا او ساعدكن فيها ..
4 إعجابات
مشروع كتير رائع وأكيد رح يكون مفيد جدا للناس المهتمة بتنفيذ مشاريع مشابهة او بحاجة لأساس يبنوا عليه. شكرا على المشاركة اللطيفة
إعجاب واحد (1)