مرحباً بكم جميعاً في مجتمع SyrianDEV،
أولاً، اسمحولي وجّه شكر كبير لكل شخص انضم لهالمجتمع وشارك، ساهم، أو حتى تابع بصمت. وجودكن هو الأساس يلي عم نشتغل عليه لنخلق أول منصة سورية تجمع المطورين والمهتمين بالتقنية بمختلف تخصصاتهم بمكان واحد.
نظرتنا للمستقبل واضحة وطموحة:
نبني مجتمع تفاعلي، احترافي، داعم، بيتيح للأعضاء:
- طرح الأسئلة البرمجية والتقنية بكل حرية.
- طلب الاستشارات والمساعدة بمشاريعهم أو قراراتهم المهنية.
- مناقشة أفكار، مشاريع تخرج، كورسات وتجارب حقيقية.
- التعرّف على أشخاص بنفس المجال أو ضمن فرق عمل.
- الوصول لفرص عمل ومشاريع حرة ضمن بيئة سورية واضحة.
كل يوم عم نشتغل على تطوير المجتمع، سواء بإضافة فئات جديدة، تحسين التجربة، أو بناء أدوات وشراكات مستقبلية ممكن تفتح آفاق حقيقية للأعضاء.
بس هون بيجي دوركم الحقيقي كمؤسسين وأعضاء أوائل:
إذا بتآمنوا برؤية المجتمع، وبتشوفوا فيه قيمة،
ساعدونا ننشر هالقيمة ونوصلها لكل شخص ممكن يستفيد منها.
فكّروا بهدول الأشخاص من حولكن:
-
صديق عم يدرس هندسة معلوماتية أو أي اختصاص تقني.
-
زميل شاطر بالبرمجة بس ما عنده شبكة دعم.
-
حدا عم يشتغل بمجال تقني لحاله وبدّه تفاعل مع ناس بتفهم عليه.
-
مطور مستقل (Freelancer) عم يدوّر على فرص أو أفكار.
وجهولهم دعوة صريحة للانضمام للمجتمع.
عبر واحد من هدول الرابطين:
رابط الموقع الرسمي:
https://syriandev.com
رابط الدعوة المباشر:
https://syriandev.com/invites/hdgjPLN4rp
كل عضو جديد بينضم، هو خطوة لقدّام لنا كلنا.
هدفنا النهائي؟
نخلق نقطة التقاء واقعية، منظمة، ومحترمة، للمجتمع التقني السوري.
مكان بيساعدنا نتطور كأفراد، ويخلّي الشركات والمستثمرين يلاقونا بسهولة ويشوفوا حجم وقيمة المواهب السورية.
شكراً لوجودكن، لإيمانكن، ولدعمكن،
وخلونا نكبر، خطوة بخطوة، بإيد وحدة.