شباب كيف فيني انسخ ملف موجود عندي بمجلد Home بنظام Debian لداخل Docker Container؟ واذا نسختوا وعدلت عليه بدي ارجع انقلوا مرة تانية لداخل الحاوية ولا بيتعرف ع لتغييرات لحالوا؟
إعجابَين (2)
بالنسبة لنسخ الملفات من ال Host لداخل ال Container الموضوع بسيط كتير.
docker cp /home/linuxguru/myfile.txt containername:/path/
بس ستبدل مسار الملف الأول بمسار الملف يلي بدك تنسخه وموجود على ال Host واستبدل containername باسم الحاوية يلي بدك تنسخ لملف لداخلها واستبدل ال Path بالمسار يلي بدك تنسخ الملف عليه داخل الحاوية.
أما إذا بدك الملف يكون مشترك او Share بين جهازك والحاوية، بحيث أي تعديل ينعكس مباشرة، فيك تستخدم volume عند تشغيل أو انشاء الحاوية:
مثال
docker run -v /home/linuxguru:/shared-folder -it my_image
استبدل my_image باسم ال image يلي بدك تستخدمها للحاوية على سبيل المثال nginx.
بهالحالة، أي تعديل على الملفات داخل /home/linuxguru بجهازك بيبين جوّا الحاوية ضمن المجلد /shared-folder.
3 إعجابات