اليوم جايبنلكم خبر حلو!
من أول ما بلشنا مجتمع المطور السوري – SyrianDEV كان هدفنا نخلق مساحة بتجمع المطورين والمهتمين بالتقنية سوا، لنتعلم ونتشارك المعرفة ونلاقي فرص نشتغل فيها سوا.
وكنا دايمًا نسمع منكم إنو في حاجة لمكان مخصص للعروض والطلبات والشغل الحر والمشاريع.
ولهاد السبب أطلقنا قسم جديد اسمو: 
سوق البرمجيات (Marketplace) - القسم هاد رح يكون منصّة لحتى:
- تلاقي فرص عمل حر أو دوام جزئي/كامل.
- تعرض خدماتك كمطور أو مصمم أو مهندس نظم.
- تطلب مساعدة أو شريك لمشروعك.
- تبيع/تشارك إضافات، قوالب وأدوات برمجية.
- تفتح باب للتعاون والشراكات التقنية.
الفكرة إنو يصير في عندنا بازار برمجي حقيقي، يجمع المطورين مع بعض ومع أصحاب المشاريع، ويفتح أبواب رزق وفرص جديدة.
فوتوا عالقسم وجربوا تكتبوا أول موضوع إلكم، يمكن تلاقي زبون، شريك، أو حتى فرصة عمل من ورا هالمساحة:
سوق البرمجيات (Marketplace) - المطور السوري - SyrianDEV