بلشت كورس Full-Stack Python مشيت فيه منيح لوصلت لعند Django Framework لاقيت صعوبة فيه وماعم افهمو منيح
شو الطريقة لحتى اتعلم هالاطار وكون ممتازة فيه؟؟
اهلا وسهلا، وشكراً لمشاركتك،
شو الهدف الرئيسي من تعلمك للغة Python؟ مثلاً حابة تتعلميها كهواية، ولا ضمن دراستك الجامعية، أو ناوية تشتغلي فيها كمستقلة (Freelancer)؟ بس عم اسأل لافهم اكتر شو سبب الصعوبات اللي عم تواجهك.
برأيي مبدئياً خدي الأمور بهدوء وبلشي بشكل بسيط مع Django، وركزي بس على الاساسيات، لا تضغطي حالك بمحاولة فهم كل التفاصيل من اول مرة. الاطار واسع وبدو وقت وتجريب عملي لينفهم.
كمان، توثيق Django الرسمي كتير واضح ومفيد، بس بدك تصبري عليه شوي وتجربي بنفسك. والاهم، لا تخافي من الاخطاء 
إعجاب واحد (1)
ممكن حدا من الإخوة والأخوات معنا بالمجتمع يساعدك ويشارك خبرته بالموضوع.
أكيد في ناس مروا بنفس المرحلة وبيقدروا يعطوكي نصائح مفيدة 
إعجاب واحد (1)
بالعموم في شغلتين:
1- مستوى المطور او المبرمج:
- مطلوب منك تعرف لغة بايثون منيح قبل اي تيكنولوجي بتستخدم هاللغة
- في حال دخلت في web service or application فالموضوع ايضا بحاجة متطلبات.
مارح فصل كتير:
اذا web api انت بحاجة تعرف webapi architectures , basic network ,web server هي ضرورية لتفهم الامور كيف ماشية.
بعدين منجي لاطار العمل بحاجة تعرف routing, authentication, authorization, policies, ORM, handling files, clean architecture, design pattern that exists inn that freamwork
اما اذا فيه ui فانت بحاجة تعرف كمان html,css,js
وفيك تختصرهم انك تدرس اي فريم وورك متل angular react..etc
وتربطهم مع الapi
فيك تسأل الذكاء الصنعي عن كل معنى عن اي مصطلح ما معلوم.
2-مستوى سينير:
بتكون مسؤولياتك اكبر وهي اختيار dbms مناسب واختيار architecture مناسب لمشروعك واختيار طريقة ال deployment و اختيار سيرفراتك
باختصار شديد software architecture
Dbms(nosql,relational)
Architecture (microservices,monolth)
Deployment (ci/cd-github actions or Jenkins)
Servers(vps,kats..etc)
انا طرحت كافة المعلومات هيي ضخمو بس خطة كاملة لدراسة اي اطار اعمل او خلينا نقول انك تتحول لشخص ذو معرفة حقيقية بمجالك.
تحياتي
3 إعجابات
رد كافي ووافي بارك الله فيك 
إعجاب واحد (1)
هلق أنا عم ادرس معهد تقاني اختصاص برمجة ورح اعمل ترقية على تقانة المعلومات باذن الله بس الصراحة اللغة كلها ولا الاطار موجود ضمن المقررات الدراسية انا حبيت طور حالي بمجال معين واخترت الويب وبلشت هاد الكورس اون لاين طبعاً ، بلشت بالبداية html و css وbootstrap و javascript(أساسيات فقط) وبعدها بايثون و mysql كلشي كان تمام وواضح لحد ما وصلت للجانغو ماعد فهمت جربت شوف شي ع اليوتيوب فهمت شوي بس المشكلة انو في اختلاف يعني بين محتوى الكورس وبين المحتوى يلي ع اليوتيوب
بس مبدئياً فهمت الاساس كيف لكن كل ما بقدم شوي بحس صار اصعب وماعدت استوعب:joy:
إعجاب واحد (1)
واو ماشاء الله تبارك الله
شكراً كتير رح اسأل الذكاء الصنعي متل ما قلت لان الهيئة انو صعبين عليي يلي حكيتهن😁
إعجاب واحد (1)
فعليا انتي بحاجة رودماب road map شوفي اي مرجع اجنبي رح يقلك بالضبط شو لازمك
يلي كتبتو فوق هو المجال لحتى تلاقي فرصة عمل جيدة جدا ان شالله.
بالتوفيق
إعجاب واحد (1)
ان شاء الله
وشكراً الك
إعجاب واحد (1)
في حال اخترتي مجال تطوير الويب فأنصح بعدم صرف وقت كبير على تعلم فريموورك مثل جانغو كتير لأن الويب يعني جافا سكربت ثم جافا سكربت ثم جافا سكربت و أي طريق غيره رح يرجعك لجافا سكربت
الخلاصة مثل ما ذكر الأخ @Ayham_Al-Ama بجزء من رده إنك تتعلمي ال API من جانغو أو أقترح تختاري Fast API و هي فريموورك تاني لبايثون و بالطرف الآخر تكملي بكورسات للأخوات الثلاثة : html, css , js
الطريق طويل و مرهق للأسف و على اليوتيوب رح تواجهي كتير من الناس بيقولو تعلم كذا بساعة و هذا كله غير صحيح
نعم ممكن تاخذي فكرة عن تقنية بساعة ولكن لن تتعلميها كلها بتفاصيلها
تطوير الويب الصحيح في هي الفترة هو : باكند (API أي فريموورك بأدي الغرض) و فرونت اند و هذا لاااازم فريموورك جافا سكربت أو فانيلا مو مشكلة المهم فهم html + css مزبوط لحتى يطلع شغل متكامل
إعجابَين (2)
شكراً:innocent:
إعجاب واحد (1)
جزء من صعوبة تعلم دجانغو إنه إطار عمل كبير، ما هو مجرد مكتبة. يتضمن عدة جوانب كل وحدة منها تحتاج فهم مستقل بالبداية. الكورسات والمحتوى المتوفر لتعليم دجانغو ما هو جيد عموماً، يا أما قديم يا أما سريع وسطحي. أنا اشتغلت عليه فترة، لكن لما شفت إنه ما كثير مطلوب وضخم (بمعنى إنه ما هو خيار جيد للمشاريع الصغير ولا حتى المتوسطة برأي الكثيرين) تركته. إذا ما كان الموضوع يهمك بشكل حصري، أقترح تركه، واختيار اتجاه عملي أكثر ومدعوم بالمحتوى أكثر (بخصوص بايثون باك إند فـ FastAPI أفضل، وحتى Flask أفضل وأسرع لبايثون باك إند).
أنا جاهز إذا في حاجة لدعم أكثر.
إعجاب واحد (1)
يلي بحاجة رود ماب يفوت على موقع roadmap.sh
اي شي بدك تتعلمو بالتقانة و المعلوماتية بتلاقي الو خطة كاملة من خبراء و لو حبيت تشوف فيا كمان روابط للكورسات اللي موجود بالخريطة يعني رابط لكورس على يوتيوي