مرحبا
انا طالب سنة تالتة معلوماتية بدي نصيحة منكن
انا حدا بلش يتعلم Flutter لاني حاسس حالي بهيك مجال….بس هالفترة كلو عم يحكي عن ai
رح اختص ai بس رح كمل تعلم Flutter بس في نقطة كتير ضايع فيها…..انو خايف اتعلم واتعب واخر شي يروح كل شي هيك بسبب ai
عم فكر اتعلم مجال صعب ai ياخدو متل ai نفسو أو cyber security
بدي نصيحة لو سمحتو لانو عنجد ضعت
بغض النظر عن الاختصاص و/أو التكنولوجي الي رح تكمل فيها بالآخر، انت اعتبر الـAI مساعد وصديق ولا تعتبره عدو عم تهرب منه لأنك رح تضيع حالك بهالعقلية ورح تضل واقف مكانك!
العقلية الغلط: بدك تتعلم شي معين وبمرحلة ما بدك توقف وما تتعلم شي جديد بعدا، إذا اليوم عم تهرب من الـAI وخايف يصير يعمل الشي الي انت عم تعملو أحسن منك فبكرا رح تهرب من شي تاني جديد رح يطلع وهيك رح تضل طول عمرك تهرب وغالباً ما رح تتعلم شي ولا رح تنجز شي لأنو المجال ما بيضل واقف ومستنيك بيضلو ماشي
العقلية الصح: المجال مايع كتير وبيتغير كتير وبدك تضل تتعلم وتطور نفسك مع تطور المجال أول بأول طبعاً مع عدم أخذ الموضوع بتطرف طبعاً وتقعد طول وقتك لاحق تريندات وإلخ وتصير انت نفسك مايع متل المجال، اتعلم الشي الي حابب تتعلمه واستفيد من التطور الي عم يصير بأدوات الـAI وغيرها واستغلها لمصلحتك وفائدتك وزيادة انتاجيتك وتسريع تعلمك وطالما انك عم تستفيد منها وتستغلها وماشي معها فما رح تستبدلك أو تحل محلك إن شاء الله
لو عقليتك الأولى وصعب تغير قناعاتك فنصيحة(ليست سخرية بل بكل جدية) لعل المجال ما بيناسبك ويوجد أكيد مجالات واختصاصات تانية انسب وأريح مثلاً الزراعة أو السباكة أو ما شابه اختصاصات، هي اختصاصات مطلوبة وحلوة وشغلها ممتع ومردودها عالي وهي عملياً ومنطقياً من آخر الاختصاصات/المهن الي رح يتم “استبدال البشر فيها” -لو صح إطلاق هيك عبارة طبعاً- وأهم من كل ذلك بتركب عالعقلية الأولى اكتر، ممكن تطلع أدوات جديدة وآلات حديثة ويصير في تغييرات كبيرة بس مو بنفس سرعة وميوعة المجال التقني ورح تكون بالسليم على مدى 10-20 سنة(وحتى أكتر) بدال 1-3 سنين
والله أعلم
بالتوفيق
أولا شكرا صديقي ع النصيحة
تانيا وصلت الفكرة وفهمت عليك….. الموضوع يمكن مجرد خوف لاني ببداية الطريق وعم أتطلع كتير لبعيد….انا معك بكل كلمة وصح كلامك….