ديسكليمر: أنا مو دارس معلوماتية، ولا حتى مكمل جامعة (دروب أوت من كلية الاقتصاد). كل الكلام هون بيعبر عني وعن تجربتي الشخصية لا أكثر.
صرلي حوالي خمس سنين بشتغل بتطوير مواقع ووردبريس، وخلال هالوقت لاحظت إنو في طريقتين أساسيّات لتعمل موقع ناجح باستخدام ووردبريس:
1. عبر Page Builders
طريقة سهلة وسريعة، بس بصراحة أنا شخصياً بكره كلشي اسمه Drag & Drop.
النتيجة غالباً بتكون Bloat وأداء ضعيف.
بس الحق يقال: ممتازة إذا الموقع مجرد صفحة إيفنت، لاندنغ بسيطة، أو موقع تعريفي صغير.
2. عبر تكويد Theme خاصة
هون يبدأ اللعب الجدّي.
فيك تستفيد من ووردبريس كأنه Framework جاهز مع واجهة إدارة (Admin Interface) مرتبة، والكل تقريباً بيعرف يشتغل عليها (خصوصاً لما تدخل WooCommerce والملحقات تبعو على الخط).
الباقي كله بين إيديك.
فينا نشتغل حتى Headless ونبني الفرونت بـ React أو أي تكنولوجيا بتحبها.
مثال
متجر koki.sy لمستلزمات القطط
من أوائل المتاجر الإلكترونية النيش بالشام يلي فعلاً عم تحقق أرباح لأصحابها, يعتبر سهل ومناسب للسوق السوري وتجربة الشراء أونلاين.
جرب الأداء على PageSpeed
غالباً العيب مو بالـWP, بل بكيف عم تستخدمه.
شاركونا ارائكم يا جماعة 
لوين شايفين سوق الويب السوري رايح؟ خصوصاً للمشاريع صغيرة رأس المال (النيش) ؟