من فترة قريبة تعرفت على نظام ERP قوي اسمو Odoo
هاد النظام في الو نسختين:
odoo community
odoo enterprise
النسخة مفتوحة المصدر هي odoo community بس المشكلة انو اكتشفت ان ترخيص هي النسخة هو ***LGPL ***
و حسب ما قريت انو وفق هاد الترخيص انو ممنوع انك تعدل الكود المصدري و اذا عدلتو لازم تخلي النسخة المعدلة مفتوحة بس اذا فكرت انك تعمل module معدلة منو عن طريق انك تورث الكود بس من odoo يمكن بتنحل هالقصة
بس كمان الشركة ارائها متذبذبة لانها كما يبدو انها بتشيل خصائص بنسخة ال community مع كل تحديث تقريبا هاد الشي يلي بيخلي النظام صعب الاعتماد عليه لانو اذا بدك تحدث لنسخة احدث مشان تسكر الثغرات يلي انحلت قصتها باخر نسخة فقد تفقد هي الميزات يلي لغتها الشركة بالتحديث الجديد
وكمان في مشكلة وقت انك تعتمد على برنامج مفتوح المصدر متل odoo و بتشوف قراراتها بتخاف انو هي ترجع بشي نسخة جديدة تغير رخصتها لشي اكتر صرامة و تضطر تشترك وقتها بنسختها المدفوعة
ملاحظة: انا ما عندي خبرة بالرخص هي ولا بتعديل ال open source من قبل فياريت حدا يحكيلنا عن واقع تجربتو مع هاد الشي وكمان اذا بتعرفو الوضع القانوني للشركة يلي ما بتلتزم بتعليمات الرخص بسورية هل في محاسبة او طريقة انو شركة اودو تصل لسورية و ترفع قضايا و كذا ولا ما الها طريق لعنا؟